皇帝雞 (Closed)

之前睇雜誌見到介紹西九龍廣場有間只賣炸雞小食, 話係韓國人開! 今日終於有時間可以黎試試, 因為唔記得左叫乜野名, 上到去FOOD COURT, 見到一間 "韓國味家" 都係買韓國炸雞同埋仲有其他韓國小食, 心唸莫非係哩間, 但係唸唸下唔對路, 我明明記得雜誌介紹係只得炸雞賣, 唸住走之時, 同老公講不如行埋另一邊FOOD COURT 入口先, 行行下就見到"皇帝雞", 係哩間啦...皇帝雞強調係無皮, 無骨的炸雞, 方便懶人之選及作為街頭小吃! 有三隻款" 韓辣味", "甜辣味"同埋"醬油味", 因為我對醬油冇興趣, 甜辣味又係韓國試過, 今次就試下韓辣味炸雞, 佢分大,中, 小SIZE, 我地叫左中SIZE, 除左炸雞, 仲有四條年糕係頂, 有少少花生碎, 我地仲加左八蚊叫左罐梨汁飲! 個炸雞雖然冇骨, 但係唔"鞋", 同埋我覺得夠辣, 個汁好好味, 價錢又唔貴, 作為小食真係一個不錯的選擇!