Madison's (MegaBox) (Closed)

每逢星期日都會約啲親朋好友出嚟聚吓，今次揀左既地點係九龍灣。 喺德福廣場人流真係好多，想搵個地方坐低食野吹水比較困難，所以唯有行遠小小去Megabox搵食。 大家抱住有乜食乜， 漫無目的之際，竟然俾我見到間餐廳有似曾相識既名字……Madison's ! 抱住8卦既心態同員工了解過，真係我之前喺中環幫襯過架，不過而家較以前casual走簡約風格，啱哂我地喱啲又要裝修靚得嚟無咁拘束既style!入座後留意到四周既環境都幾舒服，因為見食客唔算多，所以我地要求坐圓形梳化位慢慢歎!下午茶都離唔開飲啖茶食個包，聽經理介紹完之後就點左Egg Benedict 同煙三文魚牛角包。有菠菜夾住一齊食無咁“漏”，好味! 較為普通，可能係我對牛角包要求太高，不過有薯條點綴，挽回唔小分數原以為普通一杯熱檸檬茶，點知見到個器皿時真係好有驚喜，睇得出用過心思，抵讚