一福 (Closed)

男朋友介紹食呢間一福，一開始都唔太相信佢，好似無乜聽過深水埗有好味嘅日本嘢喎，不過食完之後真係好期待下次再食啊！😻店舖係長型，好長好深，一入門口右手邊就係bar枱，左手邊就係卡位同枱。男朋友叫左呢個自選刺身丼，選擇多價錢亦好合理。🍣自選刺身丼（海膽、三文魚腩、吞拿魚腩、帆立貝），配大味噌湯🌟每樣刺身有兩塊，而海膽份量好多🌟一食就覺得好新鮮，特別係吞拿魚腩！🌟味噌湯足料，蘿蔔煲林晒好入味👍🏾🍣海膽三文魚籽丼，配小味噌湯🌟海膽同三文魚籽份量好足，海膽有兩層🌟海膽好鮮甜！😻🌟三文魚籽粒粒都好晶瑩，唔會一啲大一細，咬落去咇晒啲汁出黎，超滿足！🥰另外仲叫左呢知白提子梳打，味道偏酸所以唔會太甜，好味啊！🍇🍇-一福真係唔錯，今次淨係食左刺身，見到佢仲有好多熟食同甜品，下次一定要食下！不過見到都幾多食客，晚飯時間可能要等下位喇～