話哂都要支持下同路人嘛 但早前桔梗係走CAFE同埋CHILL既西式路線
我印象中係比人食下意粉 飲下COCKTAIL
但哩排友人話佢轉左路線賣日本餐
真係當堂嚇左跳!
哩度門口 同以前局長黎開既時候無咩分別
因為鋪位夠大 而家擺枱又唔會太密 老實講 坐得幾舒服
以前桔梗係要自己出COUNTER買餐 所有野都要自助
好似大家樂咁 其實局長唔係幾喜歡 但今次黎到變返普通餐廳咁
有人招呼同有人落單 唔洗下下自己黎 又幾好WO 有進步!
睇下餐牌先
嘩 估唔到真係轉哂做日本野WO
個壽喜燒亦都非常吸引 好多野都好想食
但左諗右諗 決定都係試下佢個A4和牛壽喜燒
唔洗諗 咩都有得食
首先上黎既就係A4和牛啦
D雪花都OK LA 份量黎講2個人食我覺得都夠既 點解咁講?
因為佢仲有個大到爆炸既蔬菜拼盤
基本上局長同友人食完已經完全達成左一星期既野菜攝取量
同埋佢D蔬菜 睇樣都知新鮮啦!
店員亦都好耐心咁教左我地點樣去整壽喜燒
就得局長化身CHEF整壽喜燒啦
首先用和牛既油脂粒黎起一起鑊先
然後就將大蔥 同埋和牛擺落去
再加上提供既黑糖同埋特製醬汁
就係咁一個關西風既完美壽喜燒就完成
再將肥美既A4和牛搭日本生雞蛋食
果種和牛既儀式感同埋口感 簡直一流
味道唔洗講啦
和牛流出黎既油配白飯+飯素都係一絕
正當局長清哂D牛 店員都好快手上黎加湯
就變左做關東風既壽喜燒
不過主角就變左就野菜啦
D野菜真係好新鮮 局長全部清哂
有栗米仔 金菇 冬菇 甘荀 豆腐 芋C 鴻喜GU 大蔥 娃娃菜 春菊等等
份量超多 2個人食咋WO 真係好正!
