三上日本料理 (Moved) New Location

同事有事拜託我去元朗買野, 買完野就附近搵埋食先返屋企, 今日落雨濕濕我地見轉角有間日本野諗都冇諗就入左去試啦, 先唻叫左個豆腐沙拉, 我最鐘意豆腐加麻醬架啦, 完美配搭, 之後就重頭戲！先唻兩隻法國蠔, 我平時好少食蠔, 但依隻好新鮮！$58一隻cp值高, 再唻三文魚等等刺身都好新鮮, 擺盤睇得出師傅好用心, 花左好多時間落去！最後都見有半飽我地叫左個拉面兩份share, 估唔到拉面既辣味好中式, 但出其地好夾, 叉燒都有四大舊非常足料！估唔到亂入既餐廳都非常有驚喜！