金田家 (Closed)

去完對面超市掃年貨，搵個地方補充體力。轉個彎就見到之前喺銅鑼灣食過的金田家。一於入去再回味。新商場樓底高、空間感大、仲有落地玻璃，陽光☀️透入來，環境好舒適。一人一碗拉麵。大人有7款拉麵可以選擇。係made-to-order ラーメン可以揀麵嘅硬度，仲有追加配菜。北寄貝海鮮沙律先食個沙律🥗 入面有北寄貝、魷魚、薯仔、粟米、沙律菜。新鮮、清新，開咗個胃就進入主菜ラーメン。柚子辛口拉麵 ゆず辛ラーメン(追加溏心蛋、黑豚叉燒3片）有驚喜！😍第一啖辣辣地，加埋濃郁的豚骨湯底，但食拉麵竟然有aftertaste，清新的柚子味😋緊接而來。黑豚叉燒好入味、入口即化。紅洋蔥協助清一清味覺。啖啖有驚喜👍🏻溏心蛋烹煮時間恰到好處。黑松露拉麵 トリュフラーメン（追加溏心蛋、黑豚叉燒3片）湯如其名「黑松露」 自家製濃濃的黑松露醬+黑松露油+豚骨湯。黑松露唔係西餐的專利，日式的黑松露拉麵🍜味道一樣夾。黑松露的獨特幽香在口腔裡久久不散。黑豚配菜係木耳絲，平衡返整碗麵，不至太膩。最後配多杯冰凍的Caipis. simply can’t go wrong.