Lady M

Open Now

Now Closed

同朋友食完生日飯，無蛋糕食硬係覺得好似差咁啲野咁，但個陣已經9點幾10點啦，乜野聖安娜阿，美心阿全部都收晒啦，咁岩同朋友係海港城附近行緊，就話不如入去睇去LadyM仲有無啦，好好彩 仲未收舖，座低左 我地打算食個原味啦，點知因爲接近收舖得返兩款揀，咁我地就二話不說 兩款都嗌晒返黎試！一款係玫瑰千層蛋糕，入口係清香 有淡淡既花香味 都幾係我杯茶 因為我唔太鐘意太甜既野。另一款係海鹽焦糖千層蛋糕，呢一款因為有焦糖既關係 相對係甜好多，但都好香好好味！