廟街冰室 (Closed)

行下行下見到呢間小店幾新淨，就入去試試。估唔到熱辣辣嘅廟街，都竟然有甘舒服嘅茶記，又有闊落卡位，應該係新開的。黎得茶記當然幫襯下小炒啦！叫左2個小菜套餐，西蘭花蝦球同椒鹽鮮魷。啲份量好足，湯大大碗，幾好飲。白飯直情一碟上，大男人都一定夠飽。而且上菜好快，全部都係即炒熱辣辣上枱的，唔係翻煮，味道都岩岩好，唔會食完好口渴，個蝦球好爽好惹味，魷魚都好新鮮，唔會un，啲炸粉又唔會太厚，剛剛好，價錢又唔算貴，值得推介。