Video
Read full review
2019-04-20
153 views
重慶劉一手火鍋乃重慶火鍋店十強之一，全球過千分店！爪牙終於伸入新界西，在屯門市廣場莆田舊址開左一段時間，終於有時間來一試究竟，揀左下午和家人打邊爐🤣食完仲有半日消化～開門時間人唔多，食得好舒服，走的時候就開始多人了。裝潢一貫的高級漂亮，自助調味吧整齊乾淨，還附上醬料調製指引；桌子大張，冷氣好夠，還有格車仔放上香麻油和圍裙，鍋中有個可移動的長方型小籃子，一流的設計，勁方便呀！講起劉一手，除左諗起麻辣火鍋，就會諗起郭富城🤣本來點都唔會諗到養生呢個字，但係今次見到佢有個新menu，搵營養師設計左養生系列，店內的電視也一直在播營養師講解呢個餐既內容，最後我地就揀左呢個遼參花膠杞子淮山竹絲雞湯底！！好豪華呀！湯底內有大量花膠、還有遼參、竹絲雞和淮山。打邊爐之前先喝了碗湯，味濃但是清，唔會太咸，good!竹絲雞也想像唔到，原來是滑的！遼參爽，花膠就大件似魚肚。仲有出左一系列養生配料，例如蝦滑釀竹笙、薑汁豬肝、石蚌魚、菠菜魚蛋、抱子甘藍等，好補好健康的樣子🤤。點了幾款，石蚌魚（$288）好大條啊！！隔離個太太忍唔住係咁話在街市買都唔平，其實我就唔知街市買條呢些魚幾錢，不過我地覺得條魚好好肉，好滑同新
裝潢一貫的高級漂亮，自助調味吧整齊乾淨，還附上醬料調製指引；
桌子大張，冷氣好夠，還有格車仔放上香麻油和圍裙，鍋中有個可移動的長方型小籃子，一流的設計，勁方便呀！
講起劉一手，除左諗起麻辣火鍋，就會諗起郭富城🤣本來點都唔會諗到養生呢個字，但係今次見到佢有個新menu，搵營養師設計左養生系列，店內的電視也一直在播營養師講解呢個餐既內容，最後我地就揀左呢個遼參花膠杞子淮山竹絲雞湯底！！
好豪華呀！湯底內有大量花膠、還有遼參、竹絲雞和淮山。
打邊爐之前先喝了碗湯，味濃但是清，唔會太咸，good!竹絲雞也想像唔到，原來是滑的！遼參爽，花膠就大件似魚肚。
仲有出左一系列養生配料，例如蝦滑釀竹笙、薑汁豬肝、石蚌魚、菠菜魚蛋、抱子甘藍等，好補好健康的樣子🤤。
點了幾款，石蚌魚（$288）好大條啊！！隔離個太太忍唔住係咁話在街市買都唔平，其實我就唔知街市買條呢些魚幾錢，不過我地覺得條魚好好肉，好滑同新鮮！
我最回味的當然是佢既手切牛頸脊，半份都唔少，仲要有厚度嫁！雪花均勻、又軟又嫩、牛味又濃，很高質！
呢份$188好抵食。
蝦滑釀竹笙，賣相幾有條勢，竹笙+蝦滑幾特別，但喜歡淡淡蝦肉的我比較推薦下圖右面手打蝦丸，大大粒又足料🤩
菠菜魚蛋口感是較淋身的；抱子甘藍很有營養，要食多幾粒！墨魚麵很彈牙，我放左佢落自己調的醬汁內，整左個撈墨魚麵🤤
我地仲飲左新出既兩款飲品，坐我隔離的小朋友話我飲緊西蘭花😂其實佢係羽衣甘藍蘋果雪梨汁🤩好健康好正。唔鍾意菜味可以試下火龍果奇異果汁，甜甜的人人喜歡。其實呢度本身有提供茶，非常好。
-
其實都好開心屯門終於有間高檔邊爐既選擇🤤雖然睇落唔平，但係消費其實同一家人去酒樓食圍餐差唔多，一樣有魚有雞有花膠海參，仲有靚牛tim! 屋企人都食得開心，環境服務都滿意，我食左兩個鐘，8掛周圍望，親眼目睹一個店員妹妹妥善處理了幾個千奇百怪的客人，真心佩服！
Post
