Video
Read full review
2009-02-15
23 views
二月十四情人節。因為過怕左市區餐廳高昂既消費。決定漏夜衝到長洲探險一番。好彩長洲冇感染一點市區藉節日抬價的風氣。搵唔過夜既房間，點都要醫左肚先既~~~~~行過好多類似大排檔既食肆，感覺上都好似就收舖。決定走返去一間頭先經過，睇落幾多人既餐廳~~~~入到為食貓。見到大部份人都係 hotpot。原來都有野食既~~~~~睇落餐牌，同九龍城價錢差唔多。於是照平日既份量點菜。肉碎生菜包--- $48個人覺偏辣，可能去親九龍城食都會叫佢少辣既關係。但味道都有返咁上下！！d生菜都十分新鮮菠蘿炒飯------ $51第一個感覺：好大盤！！！菠蘿微酸，感覺冇咁滯。提子干帶甜，有一點清新。另外味道都不俗。肉鬆同炸腰果令成碟飯都頗有口感。泰式拼盤------ $78完全係圖入面咁多。有炸蝦餅、烤豬頸肉、香草雞翼、荷葉雞、泰式芋頭春卷。仲有兩款醬汁醮。個人最愛蝦餅，新鮮炸起，爽口，又有蝦鮮味。覺得豬頸肉同荷葉雞都係比較硬。雞翼以香草醃過，感覺有d似譚仔既香草雞翼。但譚仔既，始終好味d。春卷略嫌芋頭太多，令成個春卷唔夠脆。初時冇唸到~~~~~原來抵食到咁。兩個人食，四人份量。食極都仲淨一半。下次都係帶多兩個 f
搵唔過夜既房間，點都要醫左肚先既~~~~~行過好多類似大排檔既食肆，感覺上都好似就收舖。決定走返去一間頭先經過，睇落幾多人既餐廳~~~~
入到為食貓。見到大部份人都係 hotpot。原來都有野食既~~~~~
睇落餐牌，同九龍城價錢差唔多。於是照平日既份量點菜。
肉碎生菜包--- $48
個人覺偏辣，可能去親九龍城食都會叫佢少辣既關係。但味道都有返咁上下！！d生菜都十分新鮮
菠蘿炒飯------ $51
第一個感覺：好大盤！！！菠蘿微酸，感覺冇咁滯。提子干帶甜，有一點清新。另外味道都不俗。肉鬆同炸腰果令成碟飯都頗有口感。
泰式拼盤------ $78
完全係圖入面咁多。有炸蝦餅、烤豬頸肉、香草雞翼、荷葉雞、泰式芋頭春卷。
仲有兩款醬汁醮。
個人最愛蝦餅，新鮮炸起，爽口，又有蝦鮮味。
覺得豬頸肉同荷葉雞都係比較硬。
雞翼以香草醃過，感覺有d似譚仔既香草雞翼。但譚仔既，始終好味d。
春卷略嫌芋頭太多，令成個春卷唔夠脆。
初時冇唸到~~~~~原來抵食到咁。
兩個人食，四人份量。食極都仲淨一半。下次都係帶多兩個 fd 去。試埋鳳爪、沙嗲、hotpot
老闆又好好人，話我地食唔晒，冇收足全價。我地都幾唔好意思。
走出為食貓，出邊己經開起一檔檔小販攤。因為太飽，錯過左掃街既機會。
Post
