都唔算等左好耐, around 20 mins 就有位, 店入面既裝修好新穎亮麗, 令人印象好好, 未食已經加哂分。
餐牌同落單感覺好似鼎泰豐, 都係劃點心紙形式‧
點左以下:
1. 南小館4小拼(冰宮肴肉, 糖醋排骨,口水川雞, 涼伴彩絲)
冰宮肴肉 - 呢個唔錯, 同平時其他上海店食到既差不多
糖醋排骨 - 好好食, 味道好好
口水川雞- 呢個稍為失望, 不過個汁好好味
涼伴彩絲- 有豆腐, 青椒, 木耳, 紅蘿蔔等切成絲, 口感清新
呢個菜可以一次過試4個小食, 最岩情侶們人小小但又想試唔同既野, 一order 左幾分鐘就送到, 都係凍既, 可能係冷盤關係。
2.招牌生煎包
我見佢寫"招牌", 於是叫左。
好好食, 而且係新鮮整, 好熱, 上菜用只穫仔裝住, 好得意。外皮脆, 內在湯夠多, 肉夠鮮, 堅得。size 適中, 每人食2個都唔會膩, 大推!!!
3. 老上海酸辣湯
我覺得唔好飲, 佢唔酸唔辣, 我只係食到一陣茶味, 唔岩我地口味
4. 鮮肉小籠包
ok, 唔錯, 都算做到皮薄多汁, 不過比起生煎包, 生煎包較出色
1
5. 八寶醬菜飯
呢個菜上得好快, 同南小館4小拼一齊上, 唔熱, 好似冷盤咁, 唔知關唔關事個八寶醬係早已預備, 所以黎得咁快, 其實味道小小辣, 係ok, 可惜係凍既, 影響哂個味道
2
繁忙時間, 每圍只限1.5 hrs 食飯時間。所以菜都上得好快, 除左4小拼同八寶醬菜飯係凍, 其他都係熱既。總括黎講, 食物質素可以, 侍應頻頻加水, 都會再去‧可惜既係台與台之間太近, 我完全知道隔離講0的咩囉, 如果要傾心事, 我就建議唔好去鳥!
