高麗軒韓國料理 (Closed)

韓燒放題來講佢都幾高質，而且價錢合理。晚市放題 $346 ，如果升級想食靚牛同海鮮就加$68一位。佢哋用咗QR code落單，方便快捷，又唔怕落少咗，而且食物都幾快到。我自己就好中意食佢既豬頸肉同埋雪花牛。他他牛肉都幾新鮮真係唔錯，由唔敢食變咗食完再食。蛋包蝦都幾好食，而且佢除咗肉類之外前菜，湯，同石頭鍋飯，粉絲都有，仲要選擇唔少。佢基本上係每款湯，飯，同粉絲都有幾個選擇。實有一款啱你又一定飽肚。不過眼闊肚窄嘅我好快就食飽，如果唔係都想加個鰻魚石頭鍋飯同埋粉絲食。人蔘湯真係好香嘅人蔘味，即時飲完好暖嘢飲種類比我想像都仲要多，連平時少見嘅嘢飲佢都有。地方唔算話好大，但都坐滿晒人