當日去到發現好多餐廳都改變左
朋友提議去NO.9~ 本身冇咩期望
以為醉翁之意只在酒
本身好想飲alska cider.. 可惜四款都賣哂..
睇哂成個LIST得個19號係有水果味..咁就揀19啦
朋友叫左RED MY LIPS..
我杯19...第一啖有啖啖芒果味, 微苦
朋友杯RED MY LIPS 好香蜜糖味但偏苦
當日點左水牛城雞翼, 雙重芝士薯條, 黑松露野菌扁意粉, BBQ醬烤豬仔骨
因為個水牛城偏辣朋友唔係好食到, 所以另點炸雞翼
個水牛城雞翼係好惹味..但有點嗆喉
食個時陣酸同辣味隨住熱氣嗆入喉嚨..我同朋友都忍唔住咳..
黑松露野菌扁意粉~~一上檯已經陣陣黑松露香味
意粉係Al dente. 好快就比我地消滅左 XDD
薯條緊係要趁熱食..芝士加沙律醬十分邪惡! 但又忍唔住一條接一條咁食
炸雞翼, 夠熱夠脆... 但其實如果唔係朋友食唔到辣係絕對唔會點..
豬仔骨好香燒烤醬味~ 夠稔但唔會散.. 我同朋友都比較喜歡肉係連住骨而唔係一切就散開哂..
散開哂咁同Pulled Pork有咩分別....
員工都好友善, 見到我地自拍時會主動提出幫我地影相
同朋友開開心心又渡過左一晚
