聽講牛肉館加左好多新菜式.呢日放假就走去試吓.先每人一個餅,爆汁依然.店內姐姐介紹話依家最新推出走地雞煲及刴椒蒸大魚頭,好抵食.而且客人反映好好,就信吓佢啦,大概十五分鐘,大魚頭上枱,賣相己經令我流口水.平時去酒樓飲菜都會叫嚟食,但味道同魚頭完全不能同呢個相比.刴椒唔太辣,(嗰姐姐話如果鍾意食辣嘅,可交帶廚房加辣.)但我本人就岩岩好.辣椒香味配蒜泥嗰種惹味,真系非筆墨可以形容.新鮮魚頭至少斤幾重.老婆話去街市買起碼要五十蚊,依家咁多配料蒸埋俾你食都係九拾八蚊,仲有九折去邊度食呀?走地雞煲雖然沒喜出望外.但都值得推薦,上到枱已經聞到干蔥及醬料香味,最難得係選用新鮮雞.依家去酒樓'食店好難有新鮮雞食啰.味道同口感絕唔係冰鮮雞可以俾到你嘅.呢樣嘢我偑服主理人嘅堅持.希望店主可以推出多D新菜式就好啦.
