半島潮州名廚 (Closed)

終於忍唔住要開始寫第一篇食評。首先揀呢間食店純碎係意外，因為諗住同個朋友去番之前食開個間潮州店打冷，咁上來開飯喇找番間店地址，以及順便訂位啦!咁個朋友唔覺意找到呢間，又見到之前食評不錯，大家就抱住一試心態出發。去到個陣有人未到先叫了一碟鵝頸吃下先，味道不差。人齊勒(六位)，問下阿姐有咩好介紹，點知佢介紹既鵝肝賣晒，吹脹!之後點了阿姐話好多人點的潮州雜燴煲(唔記得exactly咩名)，蠔餅同埋椒鹽瀨尿蝦。然後大家再點了炸豆腐同鵝拼盆。(失望無乜海鮮可以叫囉)餸來了瀨尿蝦好味，可以再叫蠔餅粉不多，油不多，good炸豆腐，滑呀鵝拼盆，抵又好味最後重頭戲來了，潮州雜燴煲($188)好似魚旦丸菜大雜燴，超級搵笨，話包有的帶子個size細到呢!!! 大家唔上唔落，肚子仍然想吃東西，最後拿拿臨解決埋大雜燴，就火速去第二間再拼過。