Read full review
2020-10-26
615 views
生日搵地方食飯,本郡主只係平民黎啫,又唔需要去到咁貴嘅.... 生日都只係想簡簡單單,開開心心咁食啫... 睇左好耐,最後經朋友介紹,係深井有一間日本餐廳開左1年左右,啲刺身唔錯。又或者可以早2-3日同佢地聯絡,可以食到Omakase。佢地Omakase個range由HK$600-HK$1,000都有,再話俾佢地知有咩食有咩唔食,廚師就會幫你發辦架喇!我就揀左HK$800-HK$900左右,而當晚餐單有呢啲:1)先付:廣島蠔松前燒,炸吞拿魚蜂網,薯糕(其實係蒟蒻黎架)2)刺身4點吞拿魚腩,牡丹虾,熟成海魚2款3)壽司赤貝,海膽昆布,火炙帆立貝,赤身4)煎連尖魚刁草5)薩摩燒地雞翼6)鹿舌拼什菇燒7)鐵板龍蝦燒8)鐵板炒飯刺身超新鮮,點解咁講?!終於食到日本先食到嘅吞拿魚腩嘅樣、口感同新鮮度... 同平時去食日本餐廳嘅超唔同...個魚湯唔腥,魚味重,加埋個蝦頭落去,個個鮮味走曬出黎... 超好飲。飲左酒飲一流...熟食都好特別... 做法同煮法都無聽過...連尖魚用少少鹽加威士忌醃製,再煎到個面脆脆... Yummy... 最估唔到,串燒鹿舌係咁好味,唔羶... 食落好爽口,仲好juic
睇左好耐,最後經朋友介紹,係深井有一間日本餐廳開左1年左右,啲刺身唔錯。又或者可以早2-3日同佢地聯絡,可以食到Omakase。佢地Omakase個range由HK$600-HK$1,000都有,再話俾佢地知有咩食有咩唔食,廚師就會幫你發辦架喇!
我就揀左HK$800-HK$900左右,而當晚餐單有呢啲:
1)先付:廣島蠔松前燒,炸吞拿魚蜂網,薯糕(其實係蒟蒻黎架)
2)刺身4點
吞拿魚腩,牡丹虾,熟成海魚2款
3)壽司
赤貝,海膽昆布,火炙帆立貝,赤身
4)煎連尖魚刁草
5)薩摩燒地雞翼
6)鹿舌拼什菇燒
7)鐵板龍蝦燒
8)鐵板炒飯
刺身超新鮮,點解咁講?!終於食到日本先食到嘅吞拿魚腩嘅樣、口感同新鮮度... 同平時去食日本餐廳嘅超唔同...
個魚湯唔腥,魚味重,加埋個蝦頭落去,個個鮮味走曬出黎... 超好飲。飲左酒飲一流...
熟食都好特別... 做法同煮法都無聽過...
連尖魚用少少鹽加威士忌醃製,再煎到個面脆脆... Yummy...
最估唔到,串燒鹿舌係咁好味,唔羶... 食落好爽口,仲好juicy。加少少日本黃芥辣,會有一陣肉味慢慢走出黎... 雞翼外脆內軟... 雜菇到咬落去有肉鮮味...
隻龍蝦,頭同身就燒,尾就起肉鐵板炒。一啖食落去,肉質嫩,係彈牙架,有少少胡椒粉味同醬油味,無喇!個頭同身就咁燒,燒嘅程度剛剛好,又食到龍蝦本身嘅味(即係海水味啦)!(其實我唔鍾意出街街食海鮮,因為成日蒸老曬,啲肉又「梅」)
去炒飯,我就食唔落喇!不過,出到黎我都食左1啖仔,超香,每一下都有蛋香味之餘,有鐵板氣味(平時用鑊炒叫「鑊氣味」,所以我叫佢鐵板氣味)
以上嘅野食份量大到,係可以食得飽1個胃口大嘅男人... 我就食唔曬喇....
Post