FAT ANGELO'S (Closed)

Fat Angelo's 喺馬鞍山開咗幾個月,一直無打算食。今晚團年好多本身想食嘅小店無開，於是即管試下，估唔到喜出望外地好質素。叫嘅所有嘢都幾好食，全家都食得好開心🥰白酒青口 ：青口嫩滑，而且size都唔細，配埋蒜蓉包可以點汁。蟹肉沙律 ： 都算好多蟹肉，菜亦新鮮爽脆。黑毛豬扒 ：一啲都唔會鞋，啖啖肉。嗰汁有啲子羌味，好特別亦好味。牛肉漢堡（無影相）：個漢堡扒牛味都幾濃，而且有好香嘅grill味。整體上成個burger汁+料+包嘅平衡都好。唯一係啲薯條唔掂，雖然夠熱但係唔脆，又硬硬哋，唔好食。