Made in HK Restaurant (Closed)

X'mas前約朋友聚餐，Apm好多間都食過，想食西餐，見到環境很休閒，樓底高，感覺舒適，就入左去。Weekend都有lunch set，款款都好吸引，套餐包含是日餐湯或沙律&熱飲。沙律很有質素，種類豐富又新鮮。餐包一睇就知軟熟，好有彈性。焗芝士海鱸魚菠菜飯 ($128)份量很多，可以share食。海鱸魚肉厚身，啖晱魚肉，菠菜都唔少，好健康的菜式。凍奶茶(set+$3)冲得有水準。店家很環保，沒有給吸管，可以要求要，會給紙飲管。鹹蛋金沙薯條 ($58)附松露沙律醬，一次過食到兩種口味，新鮮炸薯條脆卜卜，用玫瑰金色籃裝很有格，鹹蛋味可以再重些。焗紙包蒜香香草白酒蜆意粉 ($108)用牛油紙和錫紙包住上，店員再幫忙開，真係好有concept。蜆肉新鮮又大隻，加左車厘茄、洋蔥一齊炒，意粉好彈牙，都真係幾辣幾惹味。吉列流心爆醬華田西多士 ($68)伴提子乾、杏仁片和鮮忌廉，西多外層好脆好香口，朱古力味極濃，不單在面有一層，西多夾心都係，唔會好甜，好有特色的新派西多。