La Famille (Closed)

聽日係我好朋友既大日子，就係佢正式成為新娘子既一日啦，今日一班好姊妹同佢歡送唔再單身，所以我地成班人今晩就準備左一堆好食既嘢同佢慶祝。話明係慶祝，又點可以冇甜品呢。雖然我地一早準備好一堆鹹食同主食，但全部女仔都係有兩個胃，咁我就奉命去咗買大蛋糕回家。今次我揀咗我朋友最中意嘅蛋糕店，亦都係我超鍾意嘅蛋糕店之一，味道有超級多，真係食極都食唔完。我已經試過日本柚子，柚子芝士，玫瑰味，食咗咁多次，依然好滿意，今次就買伯爵茶味。伯爵茶戚風蛋糕$350(15cm)灰色嘅戚風蛋糕，成熟得黎又夠獨特又夠靚，同我朋友比人既感覺一模一樣。面頭吱左忌廉，放左啲圓形既朱古力波波，蛋糕好軟熟，重點係伯爵茶味勁濃，真係好食，四個女仔好快就食晒。