豹茶 (Closed)

早排去開旺角東站，一落天橋就見到呢間pow cha，有近排大熱嘅梳乎厘同雞蛋仔食，好快就比佢嘅香氣吸引到，當然要試試。伯爵茶梳乎厘pancake係平民價錢嘅親民梳乎厘pancake!口感綿密得黎唔會好乾身，睇得出混合左大量伯爵茶葉，茶味都幾香幾出，如果再輕盈啲fluffy啲就更好！我今次冇另外加任何餡料，所以食到中間略嫌有啲dry，如果加埋朱古力醬應該會好啲，但cp值真係幾高的！紫菜肉鬆雞蛋仔佢嘅雞蛋仔口味好創新，選擇困難嘅我問左一問店員推薦咩口味，佢就話肉鬆好多人都叫，我就聽佢推薦叫左呢個。每粒雞蛋仔入面都有肉鬆，份量好足，鐘意食肉鬆嘅我表示好滿足。另外中間嘅大片紫菜都好脆，同肉鬆好夾，但凍左就會淋，建議用碎紫菜應該會更好。Pow cha除左有野食仲有野飲，食到口乾就叫番杯飲下。店內有少少高枱可以企住食。