翠華餐廳 (Closed)

今日我下午2：30過到中環，見翠華有下午茶 ， 就叫咗個魚蛋米線+熱檸水 $44, 食物不過不失，叫做求其填飽個肚就算。 同我搭枱一個女人問伙記要一杯好熱嘅水，但係女伙記用咆哮冇禮呼喝的語氣同個客講，我哋唔會有好熱好熱嘅水供應畀你，話公司水機只會煲到80度就攞水比客人，如果下下要100度先比客人我哋咪好唔得閒，我聽到感覺伙記真係超無禮貌呀！ 雖然佢唔係同我講，但係我親眼見到佢個待客方式真係好趕客， 其實而家我真係好少去，因為唔想貼錢買難受。