星怡 (Closed)

朋友想食新加坡菜，就去咗Isquare星怡食午餐！餐廳以粉藍色為主調，內裡座位寬躺，毫不擠迫，係一個可以靜靜傾計嘅好地方！餐廳仲用咗當地風景牆畫作裝飾，甚有特色，向街嘅一排窗戶則以落地玻璃設計，環境開揚。假日午市無lunch set，我哋點咗兩個飯：新加坡海南雞飯($88)雞件全部都起晒骨，食得方便，啱晒我呢D懶人！雞件肉質嫩滑，雞皮略帶彈性，皮下有一層薄薄嘅肉凍，配三色醬水準唔錯！如果油飯香D就更好啦！另外仲會跟埋雞湯。雞髀辣死你媽($78)辣死你媽即係Nasi Lemak(椰漿飯)，椰漿飯散發著淡淡椰香，面頭放咗漂亮嘅荷包蛋，輕輕一切，蛋汁就緩緩流下，搭配魚乾、花生、生青瓜，味道香口。雖然叫『辣死你媽』，但其實只係得放喺碟邊嘅參巴醬會有少少辣！參巴醬絕對係椰漿飯嘅靈魂，撈埋飯一齊食，即刻令到味道更加豐富有層次！雞髀冇諗過係炸，好邪惡！但炸得香脆唔油膩，內裡肉質嫩滑，都唔錯。芒果沙冰($39)天氣太熱，叫咗杯芒果沙冰消消暑！芒果味道香甜濃郁，甜度剛好。