神經餵飼 (Closed)

係呢頭返工成日經過見到呢間文清小店都好多人排隊，今日咁岩冇乜人，於是終於可以試一試。本身今日想叫杯咖啡，但係點知今日架飛機壞咗，所以冇咖啡飲，非常可惜。餐牌嘅每日午餐都幾吸引，今日有雞翼，牛油果包，同埋呢個我叫咗嘅薑汁豚肉飯。啲豬肉地juicy，唔會好老，加埋隻溫泉蛋撈埋一齊食好香濃，而且仲有啲洋蔥食落增添左啲口感。一開始有啲擔心會唔夠飽，點知原來個飯都幾大，女仔食嘅話食完一定超級飽。而且啲肉嘅份量都好多，呢個價錢包埋杯嘢飲其實都幾抵食。