香港郵意 (Closed)

呢間店成間都好自由嘅感覺，裝修得好舒服，而且又可以任坐，買一杯野坐幾耐都得，又唔驚被人望住哂，好岩星期六日過黎hea 坐下，做下自己野。因為都冇加一，所以係買完之後，等佢響，然後自己拎，類似canteen 食飯形式，雖然冇人serve 但食飯位就唔會成日有店員行黎行去，坐得舒服😚 好似個名咁講，呢度有得買香港特色嘅明信片，仲可以幫手寄埋，都幾特別😝 All day breakfast 正常水準，有滑蛋，煙肉，黑醋汁點菜，特別鍾意個牛角包，因為焗得好香脆🤤 條腸都大條，所以岩岩夠飽🙈 要推介呢個pizza 芝士巴拿馬火腿番茄醬薄餅 $98 我地4個人岩岩好，每人兩件，個薄餅底好香脆，有黃芝士，而裏面就有好多番茄醬，火腿再加白芝士。抵食🤤朋友叫左卡邦尼意粉，唔會話好乾，而且有煙肉，洋蔥，芝士等等 不過就略咸😆百利甜洒朱古力 $58 好好味😍 首先，有個簡單拉花，整得好有心機😆 然後百利洒又同朱古力好夾，飲到香甜嘅酒味，但又完全唔苦，好香醇，飲落好舒服。