小木船 (Closed)

 我就好耐冇出過海了，襯住天氣又好，咁就同女友同一班朋友一齊出海玩，朋友主意，我地就去到屯門三聖嘉道理碼頭等，等左十幾分鐘後就有船來了。上船後，船的報置好有特色，船頂天花有好多好似魚夫帽做裝飾，幾得意。之後導遊講解，佢話今小木船有三隻船，一個是觀光船的，一個是音樂船，有駐場歌手Jam歌，另一個是海鮮船，而今次我地坐既就係觀光船。係船上面影下相傾下計，等左一陣有野食啦！係到燴，都好多下，以下就介紹一下食物啦！日式鍋燒豬柳，有西蘭花，茄子，我鍾意食茄子，雖然有油，但唔肏，豬柳唔，易入口！燒汁金菇煙肉卷，好整齊，煙肉唔太咸，金菇又可以中和咸味，唔錯的。香草雜菌酥餅，脆脆的酥餅，中間是素菜，不過上菜時只是暖的，如果可以再熱D就好了。肥牛椰菜，椰菜爽口，肥牛易入口，味道適中。燒汁芝麻雞，肉質滑，燒汁配當然係開胃啦！燒羊髀，呢個不得了，全隻好大隻的，我雖然唔係食左好多，但係都感覺到淡淡肉，另外有少少so味，但都適中，真係好味！正！生菜飽配牛肉醬，口感清新！除左食之外，我地游船河游到青馬大橋同沙洲，我地上左沙洲，一睹島上風光。一個休閒既假期，好快就過去了！最後送上日落照~