大喜屋 (Closed)

同朋友係銅鑼灣行街,行到肚餓, 朋友就提議食放題。點了三文魚, 嘩, 三文魚新鮮肥美, 食落 creamy, 沒有魚腥味, ㄧ啖ㄧ塊, 爽吖。三文魚籽龍蝦芒果卷, 大大粒的三文魚籽卜卜脆, 夠多汁, 龍蝦肉新鮮, 加埋香甜嘅芒果肉, 簡直係絕配。鵝肝牛肉卷有好香濃嘅鵝肝味, 裏面係牛肉, 認真夠特别。 另外牛油帆立貝壽司, 大大粒的帆立貝味道鮮美。蟹子三文魚手卷及海膽手卷, 卜卜脆嘅紫菜包着白飯, 鋪上沙律醬, 蟹子, 海膽, 食材新鮮。海蜇沙律夠特別, 彈牙嘅海蜇配埋蔬菜及沙律, 味道調教得啱啱好。芝麻八爪魚夠爽口惹味, 喜歡重口味嘅朋友可以一試。甜品選了軟身芝士餅, 榴槤糯米糍, tiramisu 及伯爵朱古力杯。 芝士餅香軟之餘散發着濃郁嘅芝士味, tiramisu 及朱古力杯 size 細細, 可以試多些不款式的甜品, 還有每人限定嘅雪糕ㄧ杯, 真的令人垂涎三尺。差點兒忘記還有我最喜歡吃的鮑片, 相當之清甜, 下次再去食大喜屋時, 係必食之選。