Video
Read full review
2013-11-03
300 views
21人聚會，所以包左場。一去到第一個感覺，熱！又熱又焗，同店主反映左兩次先至開大少少個冷氣...成班人出哂汗咁玩左陣game之後就開始上菜了事前已經知道當晚會有d咩食，所以都有期待過而當然，理想同現實總有差距首先上菜既係…甘荀同薯仔 各一盤 味道: 3/10幾fresh呀 冇調味 甘荀有甘荀味 薯仔有薯仔味 好聽d叫原汁原味咁啦...原來係羊架既配菜黎 店主話要黎點羊架汁食於是我地就將d配菜倒落羊架個盤度 豈料俾店主喝停﹕「唔係倒落去囉！」之後我地就停手了... ok!我唔識食係我既錯!香草焗原隻羊腿 味道: 8/10話明招牌菜緊係有番咁上下!雖然係羊 但係騷味不大 幾易入口只不過 上菜後店主輕輕拋下一句﹕「自己切，記得薄切，要趁熱快d。」心諗 自己黎? 我鬼識咩...Fine! 於是乎我地就自己落手落腳啦 切出黎變哂厚切不在話下仲呢hea到d衫褲俾d汁彈到污糟哂期間我地有問過店主可唔可以搵人幫我地切得來既回應係﹕「我唔得閒。」明明隔離有2個人坐係度煲劇 乜佢地唔係員工黎既咩?幫下我地都唔得?炸薯角 / 炸小食 味道: 6/10好食在岩岩炸起 幾香口墨西哥香草雞翼 味道: 5/10未食
一去到第一個感覺，熱！
又熱又焗，同店主反映左兩次先至開大少少個冷氣...
成班人出哂汗咁玩左陣game之後就開始上菜了
事前已經知道當晚會有d咩食，所以都有期待過
而當然，理想同現實總有差距
首先上菜既係…
甘荀同薯仔 各一盤 味道: 3/10
幾fresh呀 冇調味 甘荀有甘荀味 薯仔有薯仔味 好聽d叫原汁原味咁啦...
原來係羊架既配菜黎 店主話要黎點羊架汁食
於是我地就將d配菜倒落羊架個盤度 豈料俾店主喝停﹕「唔係倒落去囉！」
之後我地就停手了... ok!我唔識食係我既錯!
香草焗原隻羊腿 味道: 8/10
話明招牌菜緊係有番咁上下!雖然係羊 但係騷味不大 幾易入口
只不過 上菜後店主輕輕拋下一句﹕「自己切，記得薄切，要趁熱快d。」
心諗 自己黎? 我鬼識咩...
Fine! 於是乎我地就自己落手落腳啦 切出黎變哂厚切不在話下
仲呢hea到d衫褲俾d汁彈到污糟哂
期間我地有問過店主可唔可以搵人幫我地切
得來既回應係﹕「我唔得閒。」
明明隔離有2個人坐係度煲劇 乜佢地唔係員工黎既咩?
幫下我地都唔得?
炸薯角 / 炸小食 味道: 6/10
好食在岩岩炸起 幾香口
墨西哥香草雞翼 味道: 5/10
未食過墨西哥香草咩味 d雞翼味道係酸酸地咁 自己就食唔慣
但整得幾淋 唔會過熟 都算唔錯
卡邦尼忌廉汁意粉、磨菇忌廉汁意粉、巴黎牛油汁意粉 味道: 4/10
我之所以擺埋一齊講係因為我地都分唔出邊盤意粉係咩野味 淨係知有2盤白汁既意粉差唔多味 兩款都係偏淡
而黃黃地色果盤意粉就有少少咖哩味
不過 三者都有一個共通點 d意粉都好似有少少膠味 唔太好食
最後 每人都有兩杯飲品
由於好多款我都試過 講幾款特別d既
芒果XXX: 0/10 唔記得咩名 淨係記得種芒果味好假 係我飲/食過最難食既芒果製品
棉花糖朱古力: 3/10 味道極淡
草莓沙冰&提子沙冰: 7/10 偏甜
青檸梳打: 7/10 檸七咁既味
花茶: 我冇飲過但外觀非常不俗 成set透明水壺連荼杯 幾有風味
最後呼籲各位，EQ唔好既人千祈唔好上黎食野
因為你食既唔會係食物，而係食到一肚火
服務態度真係好差，睥客人，甚至同客人講﹕「你阻住我呀 拎開你隻腳啦」
我地有一位朋友係咁咳，想飲水，問店主可唔可以俾杯水我地
佢居然答冇… Erh… 冇既話你d飲品搵咩整呀? D茶搵咩沖呀???
仲要連tissue都收番埋唔俾我地用 咩意思呀 點做生意呀 真係好嬲
仲有一件事
臨走時 一個一向係度睇劇既員工無啦啦拎住一個我地用過既杯黎同我地講﹕「裂左喎」
明明用之前已經係咁 於是我地就同一直「serve」緊我地既店主講
個店主睇一睇 話﹕「無事啦」 就打發我地走
算點? 係睇我地唔順眼所以想屈我地整爛野?
點都好 黑名單
無論如何都唔會再幫襯第二次
各位快d介紹你地既仇人黎食啦 等佢地試下咩野叫做「中伏」
(見唔見到，真係要自己切！ 哼！)Post
