Video
Read full review
2025-05-05
102 views
地理位置算係方便，由銅鑼灣站行10分鐘就到。但去到門口見到紫色嘅 LED 燈，感覺有啲怪怪哋，但都決定入去試下。 坐低之後，staff 即刻送上 menu。不過一睇 menu，真係有啲無言，個設計完全係「茶餐廳 feel」，同餐廳嘅形象完全唔襯。更加離譜嘅係，menu 入面仲有兩頁菜式係重複嘅，真係好似冇用心準備過。 入呢間餐廳嘅目的，當然係為咗試佢聲稱有「開心果」主題嘅菜式啦，但實際上真係非常少選擇。我哋最後叫咗個 《〈開心果脆皮威靈頓牛柳》〉，但上菜嘅第一下就已經覺得唔對勁。好難切又有筋，完全唔係應該有嘅質素。咬一啖落去，牛膻味同一陣奇怪嘅「喊味」直衝味蕾，真心食唔落口。 再睇埋配菜，薄薄嘅「肉片」原本以為係肥牛，點知後來睇其他食評先知原來係煙肉。究竟係點樣整先可以將煙肉整到似打邊爐用嘅肥牛咁嘅質感？呢個菜唔止伏，係直情冇辦法入口，我哋連第二啖都唔想試，最後成碟都係剩返晒。 更誇張嘅係，當我哋結帳離開時，staff 甚至包括老闆都冇問過點解剩咁多，完全唔關心客人嘅用餐感受。成個體驗就係一個字：伏。好明顯餐廳係完全冇投資喺設計同細節上，成間餐廳畀人感覺好 cheap。 老實
坐低之後，staff 即刻送上 menu。不過一睇 menu，真係有啲無言，個設計完全係「茶餐廳 feel」，同餐廳嘅形象完全唔襯。更加離譜嘅係，menu 入面仲有兩頁菜式係重複嘅，真係好似冇用心準備過。
入呢間餐廳嘅目的，當然係為咗試佢聲稱有「開心果」主題嘅菜式啦，但實際上真係非常少選擇。我哋最後叫咗個 《〈開心果脆皮威靈頓牛柳》〉，但上菜嘅第一下就已經覺得唔對勁。好難切又有筋，完全唔係應該有嘅質素。咬一啖落去，牛膻味同一陣奇怪嘅「喊味」直衝味蕾，真心食唔落口。
再睇埋配菜，薄薄嘅「肉片」原本以為係肥牛，點知後來睇其他食評先知原來係煙肉。究竟係點樣整先可以將煙肉整到似打邊爐用嘅肥牛咁嘅質感？呢個菜唔止伏，係直情冇辦法入口，我哋連第二啖都唔想試，最後成碟都係剩返晒。
更誇張嘅係，當我哋結帳離開時，staff 甚至包括老闆都冇問過點解剩咁多，完全唔關心客人嘅用餐感受。成個體驗就係一個字：伏。好明顯餐廳係完全冇投資喺設計同細節上，成間餐廳畀人感覺好 cheap。
老實講，喺競爭咁激烈嘅香港餐飲業，呢間餐廳真係完全冇資格生存落去。無論係食材、烹調、設計，甚至服務態度，全部都係唔合格。如果你想搵一間好嘅餐廳，真心建議你唔好畀呢間餐廳浪費你嘅時間同金錢。
開心果威靈頓牛扒
0 views
0 likes
0 comments
Post
