Video
Read full review
2017-12-03
1436 views
❌環境吵到癲❌食物唔熟、苦味重❌白鴿式服務❌選擇少呢間未轉餐牌前幫襯左好多年，由大學時期食開，之前平靚正坐得又舒服，點知轉左餐牌之後……中晒伏……1/ 環境嘈到癲一入餐廳多咗個兒童遊樂區，十幾個小朋友追逐，吵到拆天，大家講野愈講愈大聲，完全傾唔到計，全晚嘅對白係："你講咩話？"……"你講多次"……"大聲啲"……"😂"2/新餐牌食物好一般墨西哥脆脆都還好，但個炭燒豬切開有血水，唔敢食、叫佢幫手叮翻熟🤢再落嚟，個豬好重苦味，好似直接親吻緊d炭💀救命……嚇到我地即刻想埋單走。d青檸、檸檬都係一早切定（或者係特登風乾？），揸唔出水😱 揸得出既少少汁，d味都好唔新鮮……好伏，真係好伏。之前食開嘅小食無曬、餐牌凈係得返主食（扒/飯/粉），主食2/3係牛，除咗牛就冇咩好食，唔再啱做聚餐落腳點。3/服務態度白鴿一個朋友遲到，未齊人諗住叫住少少嘢，邊食邊等，但無小食叫，淨系得主食😂是但叫住兩個餐先啦，服務員慌死我地叫兩個餐坐一世，不斷催我地落單："你哋叫主餐，沙律吧可以任食架，隨便食啦"……"最低消費每位$128，你地唔食，都會計多兩個沙律吧架"……係人都知，食咗沙律吧，就飽晒啦，黎食沙律吧放題咩……同
❌食物唔熟、苦味重
❌白鴿式服務
❌選擇少
呢間未轉餐牌前幫襯左好多年，由大學時期食開，之前平靚正坐得又舒服，點知轉左餐牌之後……中晒伏……
1/ 環境嘈到癲
一入餐廳多咗個兒童遊樂區，十幾個小朋友追逐，吵到拆天，大家講野愈講愈大聲，完全傾唔到計，全晚嘅對白係："你講咩話？"……"你講多次"……"大聲啲"……"😂"
2/新餐牌食物好一般
墨西哥脆脆都還好，但個炭燒豬切開有血水，唔敢食、叫佢幫手叮翻熟🤢再落嚟，個豬好重苦味，好似直接親吻緊d炭💀救命……嚇到我地即刻想埋單走。d青檸、檸檬都係一早切定（或者係特登風乾？），揸唔出水😱 揸得出既少少汁，d味都好唔新鮮……
好伏，真係好伏。
之前食開嘅小食無曬、餐牌凈係得返主食（扒/飯/粉），主食2/3係牛，除咗牛就冇咩好食，唔再啱做聚餐落腳點。
3/服務態度白鴿
一個朋友遲到，未齊人諗住叫住少少嘢，邊食邊等，但無小食叫，淨系得主食😂是但叫住兩個餐先啦，服務員慌死我地叫兩個餐坐一世，不斷催我地落單：
"你哋叫主餐，沙律吧可以任食架，隨便食啦"……
"最低消費每位$128，你地唔食，都會計多兩個沙律吧架"……
係人都知，食咗沙律吧，就飽晒啦，黎食沙律吧放題咩……同個炭豬親吻完之後，心諗死啦咁伏，不如止蝕離場、落樓下食個煲仔飯算……
叫埋單，最大隻既白鴿掉西洋人面口掉低一句，"咁加兩個沙律吧喎"，食咗兩碟嘢，埋單$800。晚餐人頭$200就唔算貴既，但食咗無兩啖、唔好食、服務態度又麻麻，心理有啲唔平衡😇大白鴿仲要守響我地台后，慌死我地會走數唔埋單🤤 睇黎佢地遇到唔少好似我地咁，食到無晒表情既客😂(你又lam下啲炭試丫)
伏到應一應，個沙律吧當然無食，加咗少少錢叫多兩個餐外賣，俾屋企人帶飯食，係應該最無伏既千層面（未食唔知，有伏再講），但外賣呆等了20+分鐘……
難得Happy Saturday，一行人落左佐敦再食。
其實香港人仲有好多選擇嘅，無謂貼錢買難受😜
而家回想起隔離台，一行十幾人慶生，硬係覺得佢地嘅笑聲點解有啲奇怪，宜家終於知點解，辛苦晒😅
墨西哥脆脆
52 views
0 likes
0 comments
炭燒豬
41 views
0 likes
0 comments
Post
