利小館 (Closed)

其實我好耐冇食過利小館，記得以前食，佢係冇做Lunch。一入到去見餐牌我已經唔對路，以前黎係一本本企企理理，而家幾廿張紙散修修，唔知佢想點。最失望係以前我好鐘意食既焦糖排骨冇左Anyway入到黎都要叫野食，我地叫左香檳海鮮焗飯、小籠包、炒四季豆同口水雞。香檳海鮮焗飯- 《媽啊，好咸啊。食完勁口渴，成口味精》小籠包 - 《唔係難食，但一上枱就乾憎憎咁款，個皮係塌既，完全唔想再食》炒四季豆- 《炒到一舊舊舊舊咁，芡汁同四季豆痴埋一舊，點食》口水雞 - 《平平無奇，雞唔嫩，汁唔香》望一望，餐廳食客有七成都係自由行，唔明點解咁多人食，是冇味覺的嗎。有d餐廳就算食完覺得麻麻都會俾次機會，呢間真係不了。