盛意小館點心粥麵

Open Now

Now Closed

星期六同屋企人去飲下茶 ，尖東附近有間新開張嘅點心小館，價錢差唔多，有幾多野食咁，一於就試下~餐廳光猛位置舒服，卡位，圓枱都有。叫左普洱茶，味道香濃順滑。招牌蝦餃皇蝦餃皮薄煙韌，蝦肉大粒鮮味。沙巴鮮蝦燒賣王食得出手做點心嘅質感，皮，肉餡同蝦肉比例啱啱好，唔會乾。八年陳皮牛肉球牛肉味鮮，肉質有咬口，味道夠霸王小籠包食家好多茶樓/點心店都唔做小籠包。難得呢間有賣而且好食，小籠包外皮薄而且滑，食落唔粉裏面肉餡唔會太蓉，有肉嘅口感，做到包住湯汁，點d醋，好食~竹炭黑金360鮮奶包包身軟綿綿，鮮奶餡都唔會太甜，建議趁熱食，更有流心效果經典蘿蔔絲酥外脆內軟，蘿蔔絲粗條，非常香口。海鮮雪茄春卷造型有趣，裏面滿滿蝦肉，春卷皮薄脆韮黃鮮蝦腸粉蝦仁大粒，腸粉做到軟綿綿同幼滑嘅口感南海艇仔粥粥底好食，食落好綿，好有米香，用料足，冇落過多調味，食落好舒服。新坐得舒服又多點心選擇，如果喺附近行開，推薦一試。