妖怪 (Closed)

本身今年同朋友一齊去日本旅行🥲而家無得點飛既情況之下就搵間日本餐廳頂住下先！搵搵下就搵到間叫「妖怪」既餐廳。聽個名都幾特別，於是我地就去試吓啦！入到去，上面天花板有啲紫色嘅日本燈籠🏮做裝飾，好靚，仲有啲唔同既日本畫掛係牆！個刻我地覺得自己真係去左日本旅行！之後我地就叫左個燒雞定食同濃厚雞白湯拉麵🍜燒雞定食啲飯軟身，雞肉有滿滿燒汁淋上面，入口唔會蓋過雞肉既鮮味！正😄而拉麵湯底如其名，有濃厚既雞湯味，仲有豐富嘅膠質🤤🤤好適合我地呢啲扮靚既女士☺️而雞肉同拉麵也非常好食，彈牙嫩滑！簡直ichiban!☺️