Route 99 (Closed)

呢間係位於將軍澳翩滙坊既一間新美式餐廳，單單外表實在吸引。特別係夜闌人靜既夜晚，目光完全地被佢五光十色既霓紅燈吸引。入到餐廳裡面，整個氛圍令人覺得自己置身係美國公路既其中一間快餐店。最令我欣賞呢間餐廳既地方係，佢係一間pet friendly place, 有一個特別餐牌係提供俾寵物，成個概念十分創新！整間餐廳既設計意念好特別，每一個角落既佈置都有唔同主題。最令我欣賞既地方係餐廳裡有一個角落以巴士既概念為藍本，呢個小角落以橙白色為主，色彩分明，座位寛敝，整個構思完全配合在路上既感覺。至於食物方面，整個用餐模式都模仿美國路邊既快餐店。我地點了最經典既費城牛內芝士三文治，呢個三文治完全可以媲美任何一間美國快餐點既質素。熱脆脆既麵包夾著質地乾身既牛肉，完全冇好油膩既感覺。加上配合芝士及甜洋蔥，整個配搭近乎完美。我地亦另外點了檸檬黑糊椒烤雞配薯蓉。呢個烤雞亦值得一讚，因為烤得乾身之餘亦能夠保留雞嫩滑既肉汁。雖然要等需時20分鐘左右，但為左味蕾既享受係完全值得。最後我地點左蘋果批以及雪糕新地作結。當中蘋果批令我最印象深刻，首先佢地堅持即叫即做，剛剛出爐既第一口係完全無法抗拒。再者蘋果蓉十分豐富，