Video
Read full review
2020-10-30
2682 views
餐廳：Homeland (大角咀)地址：大角咀大角咀道55-65號牡丹大廈北座地下9-12號舖每個人都有一個家，而很明顯地，我的家是香港🇭🇰金黃餐廳Homeland係大角咀開咗分店🎗，主打大件夾抵食嘅西餐😋，中午十二點幾去到，已經坐得7788👏，同香港人一齊食飯嘅感覺真係好🥰，願我地有一日可以同遠方嘅12個朋友講聲「Welcome Home」，再喺呢到共敍一餐🙏一入到餐廳就見到過去一年半熟悉嘅畫面，被畫成油畫🖼，掛咗係餐廳牆上每個角落，餐廳基本上每一個位都係香港人嘅共同回憶，唔知今日嘅你還好嗎？另一個賣點就係餐廳好似一間LEGO House咁，色彩繽紛🌈，由外到內，連同櫈仲有碟嘅顏色都係五顏六色🤩，無論大人打卡，定係小朋友黎到都一樣開心🥳（值得一提佢地仲有兒童餐架)賓尼迪蛋 $98呢個Benedict Egg有兩件，另外仲有煙三文魚、香腸、煙肉🥓、牛油果🥑，同埋加咗黑醋汁嘅沙律🥗。賓尼迪蛋嘅靈魂就係半熟流心嘅水煮蛋同面頭黃黃嘅荷蘭醬，荷蘭醬一般用蛋黃、檸檬汁🍋、鹽🧂同其他輔助配料。用刀將蛋切開，見到潺潺嘅蛋黃連同荷蘭醬結合，再緩緩流出，滲透落去外脆內軟嘅英式muffin，中間仲夾咗塊煙
地址：大角咀大角咀道55-65號牡丹大廈北座地下9-12號舖
每個人都有一個家，而很明顯地，我的家是香港🇭🇰
金黃餐廳Homeland係大角咀開咗分店🎗，主打大件夾抵食嘅西餐😋，中午十二點幾去到，已經坐得7788👏，同香港人一齊食飯嘅感覺真係好🥰，
願我地有一日可以同遠方嘅12個朋友講聲「Welcome Home」，再喺呢到共敍一餐🙏
一入到餐廳就見到過去一年半熟悉嘅畫面，被畫成油畫🖼，掛咗係餐廳牆上每個角落，餐廳基本上每一個位都係香港人嘅共同回憶，唔知今日嘅你還好嗎？
另一個賣點就係餐廳好似一間LEGO House咁，色彩繽紛🌈，由外到內，連同櫈仲有碟嘅顏色都係五顏六色🤩，無論大人打卡，定係小朋友黎到都一樣開心🥳（值得一提佢地仲有兒童餐架)
賓尼迪蛋 $98
呢個Benedict Egg有兩件，
另外仲有煙三文魚、香腸、煙肉🥓、牛油果🥑，同埋加咗黑醋汁嘅沙律🥗。賓尼迪蛋嘅靈魂就係半熟流心嘅水煮蛋同面頭黃黃嘅荷蘭醬，荷蘭醬一般用蛋黃、檸檬汁🍋、鹽🧂同其他輔助配料。
用刀將蛋切開，見到潺潺嘅蛋黃連同荷蘭醬結合，再緩緩流出，滲透落去外脆內軟嘅英式muffin，中間仲夾咗塊煙三文魚，口感豐富濃郁，真係好幸福🥰
黑蒜白酒蜆肉闊條麵 $78
每隻蜆肉都係連住個殼，唔會五馬分屍😂，用咗黑蒜同白酒去調味，清香得黎不失黑蒜嘅惹味👍🏼；
加上紅椒同青蔥，令闊條麵顏色更鮮明，不過個人覺得個麵可以濕少少，就會無咁乾🤓
抹茶蛋糕 $38
最後叫咗個抹茶蛋糕做甜品，擺碟精緻😻，清楚見到蛋糕有幾層layers，
抹茶味勻均香濃🍵，唔會有膩嘅感覺，碟上仲有一句金句✨，等你食完除咗開心之外，仲有一份驚喜🤩，香港人就係需要多一點嘅支持同鼓勵💪🏻
Post
