呢度嘅烤雞 Burito 份量非常之龐大，而且內餡飽滿一個技術都夠兩個人食。仲有好靚嘅芝士拉絲，Burito 嘅蔬菜配料亦都有助中和其好 Heavy 嘅感覺。一圖勝與千語，大家睇吓張圖都能夠睇得出呢一味菜式有幾咁吸引！
至於烤牛肉 Tacos，今次叫咗脆皮嘅 Tortilla 殼。香脆嘅外殼加上香嫩嘅牛肉令第一次食墨西哥菜嘅我充滿驚喜。原本食 Tacos 嘅時候都諗住應該同 kebabs 或者西式嘅 wraps 冇咩大分別，但呢個脆皮粟米片外殼令我對食物另眼相看，原來嘢食係可以咁玩法架！重點係，佢真係好食，Tacos 上嘅醬料仲為菜式添上一點正宗嘅墨西哥風味。
另外值得一提嘅係，Burito 同 Tacos 嘅伴碟，分別有墨西哥飯、黑豆同埋莎莎醬，並唔係裝飾咁簡單，佢哋令我更深入品嘗到墨西哥人嘅口味，提升食物嘅口感。呢間餐廳絕對係墨西哥菜擁躉嘅不二之選！
2
1
1
