河內越式料理 (村南道)

Open Now

Now Closed

收工時間黎到，都好多人！呢到主打越南野，選擇多，價錢碎，而且份量好大！越式香茅豬扒湯濛豬扒另上，大大件，香茅味濃郁，外皮煎到好似炸嘅口感，豬肉一d都唔會韌。湯濛都好大碗，另外可以自己落青檸/ 辣椒，湯底清中帶甜！越式生菜包上台時嚇親，因為勁大份！肉碎一入口已經feel到辣味， 好惹味。調味岩岩好，唔會過咸。食食下仲可以配埋佢個醃蘿蔔絲食，好解膩，食落好清爽！軟殼蟹米紙卷入面好足料，軟殼蟹係好完整，啖啖都食到！而且佢炸到好酥香！一定要配埋佢個酸甜汁，食落好開胃！飲品就算係熱飲，都有好多選擇。熱蜜糖柑桔好足料，好多柑桔浸住，唔會淡味。熱檸檬薑茶都好重薑味！2 個人食到好飽都係200 幾蚊，晚市黎講算係好相宜。