J's Petite Kitchen

Open Now

Now Closed

今日嚟到長沙灣廣場搵午餐，見到「J’s Petite Kitchen」有套餐供應，包括餐湯或沙律、主食同飲品，決定試試🍽。餐廳部份座位設喺商場走廊，環境市井，坐得有啲凍🥶。 🍝 卡邦尼（意大利煙腩肉 蛋黃汁）$70呢款卡邦尼用傳統蛋黃汁製作，理論上應該會香濃順滑。不過實際食落醬汁味道普通，未有預期中咁濃郁🫠。煙腩肉🥓偏鹹，食多幾啖會覺得食緊鹹肉?意粉🍝份量夠多，煮得剛好，口感唔錯，但醬汁包裹得唔夠均勻，部分地方比較乾，表層撒咗香草碎🌿，但整體對味道影響不大。以$70嘅午餐價位嚟講，算係中等價位，勝在份量足夠，夠哂飽肚🍽。不過味道偏普通，冇乜亮點，煙腩肉又略鹹，食落有少少失望🤏。環境方面，因為係商場走廊位，坐落去會覺得有啲凍🥶，如果唔介意環境，想簡單醫肚都可以一試🙆‍♂️。