話明韓國嘢，梗係要食炸雞啦，所以我哋揀咗黃金鹹蛋脆雞。有得揀半隻真係好，可以試多啲唔同嘢食。Total會有大概6塊雞。可能係因為即叫即整，所以都要等一段時間。味道方面，真係有金莎味嘅，都值得一試㗎。如果
我哋仲有叫到韓式海鮮煎餅。勁大碟!!! 佢係屬於比較厚嗰啲，所以中間嗰幾塊會有少少濕。
另外我哋仲叫咗 韓式魚片湯。因為我哋真係好鐘意好鐘意食韓國嘅魚糕，所以就決定試吓佢。個湯會有啲鼓油味，都好好飲。入面仲有好多舊魚片，唔同嘅魚蛋。
甜品方面，餐廳有個area係俾我哋自己整啲甜品。我見有waffle機添，可惜嘢食嘅份量實在太大，完全冇位。
