有次黎到等左半個鐘都未入到
不過唔緊要，再接再厲再去食
都終於比我等到了
當然食皇牌經典套餐
煙三文魚配牛角酥，配花果園沙律同田園沙律
因為粟米蛋沙律已經賣完
唯有要田園沙律
煙三文魚略嫌較少，牛角包都脆身酥軟，花果園沙律用新鮮生果，非常健康，唔似一般餐廳用罐頭沙律，田園沙律粟米好多
食完都好飽，女士可能會食唔哂，男士就一定夠食
朋友就叫左蜜桃火雞配法包，配花果園沙律同煙肉西芹薯仔沙律
試左個煙肉西芹薯仔沙律，都好好食，西芹融入係沙律入面提供左爽脆既口感，煙肉亦豐富左味道，不單止得薯仔味
如果較大食既朋友可以叫薯仔沙律，非常之飽
總括而言，鍾意食沙律既朋友可以黎試下，非常抵食，但唔好以為係輕份量，係會飽到食唔哂
