水門雞飯 (汀角路) (Closed)

大埔開左間食泰國水門雞嘅餐廳，經過就入去食個午餐啦。睇睇餐牌，一碟水門雞飯要$48，不過第一次點都要試下。咁新張期內飲品半價。咁我地一行三人，叫左2碟水門雞飯同一碗鴨腿湯河。另外，叫左杯泰式奶茶、泰式咖啡同埋菠蘿冰。泰式奶茶無乜味，普通。泰式咖啡都普普通通，咖啡味不太濃。菠蘿冰都不錯，甜甜地又夠凍，消暑一流。水門雞飯終於到。但飯嘅份量真係比較少。一位女士都嫌少。雞就無骨，而且都幾滑。鴨腿湯河簡直係唔值，河粉份量只係得一羹，完全係連小朋友都唔夠。個碗夠哂大，但河粉份量真係不足。