榕基手撕雞專門店 (駿洋商場) (Closed)

今日午餐，諗住近近地叫個腸粉餐，點知一肚氣。腸粉餐要加2蚊，有手撕雞同埋點左小食海哲，送一包紙包野飲，加埋要40元。其實係屋邨街市檔黎講，真係唔算平。點知呀姐舀既份量好少，海哲得4條，我係女士，食完好似無食咁，食完仲係好餓。之後透過社交平台同榕基反映下，希望日後份量可以比多少少，至少有返飽肚既感覺。點知老闆完全唔聽，仲話自己份量無問題，亦無收過同類反映。其實同佢反映，都係想佢再好啲然後繼續支持，睇完老闆既回應，完全無諗過去改善，真心好失望。我唔會再食呢間餐廳，建議大家唔好買呢間做正餐，一定唔夠飽。