鴨仔冰室 (Closed)

🔎 鴨仔冰室*📍 觀塘巧明街94-96號鴻圖中心地下5D-E號舖.沙嗲牛肉煲仔麵配奶油多士平日都係沙嗲牛肉迷,放工都可以食到沙嗲牛肉麵其實都係一種幸福嚟.牛肉食落好嫩滑,而且份量都唔少,麵底都唔小.都幾夠食,重點仲配埋奶油多士,成件事令我覺得可以係晚上食返個真正早餐好正啊.香煎雞扒配煎厚餐肉飯越簡單嘅嘢係越難整.但佢餐肉都超大塊,又厚身.雞扒都幾大塊.油香味好夠勁yummy.飯量亦幾多.真係算幾唔錯.鐵板西冷牛扒配薯條牛味好重,而且幾腍又唔會多筋,薯條幾粗身,而且炸得乾爽香脆.但唯一唔好係D汁會掂到薯條,如果鍾意唔連埋汁食就可以嘗試同餐廳職員講返.