Video
Read full review
2021-05-21
33 views
今晚同父母嚟到尖沙咀新開嘅一間中菜廳。場內超大，坐得好舒服。荔枝玫瑰茶 - 除咗平時食中菜嗰類茶外，呢度仲有得揀花茶。我飲呢個香而帶甜，其他花茶仲有桂花烏龍同白桃烏龍，好值得試下。乾煸四季豆 - 呢個餸明明放係menu小食項目，竟然有咁大碟。啲四季豆好爽口，並帶微辣，好惹味。冰鎮咕嚕肉 - 賣相有驚喜，成個雪山咁。個咕嚕肉外脆內嫩，無嗰種好厚嘅粉漿。放係啲冰內面，仲以為會凍冰冰，但竟然係微暖，好好食。另一個驚喜就係伴碟嘅菠蘿竟然岀奇地新鮮香甜多汁。蜂蜜芥末蝦球 - 整得好精緻，仲有六舊咁多。炸到鬆脆嘅蝦球配上鬆化嘅米通，口感一流。帶有蜜糖同芥末味，夾到爆，一定要試！水煮鱸魚片 - 賣相睇落似好辣，點知辣度啱啱好，勁惹味。鱸魚片肉質嫩滑而且份量多，底部仲有彈牙入味嘅寬粉添。脆米海皇泡飯 - 清甜嘅海鮮泡飯，有好多好多嘅蝦肉。仲份到6-7碗。仲有一碗脆米倒上去，增添口感。食完都夠飽肚唔洗叫白飯。最後仲送上木瓜雪耳糖水，勁滋潤～
荔枝玫瑰茶 - 除咗平時食中菜嗰類茶外，呢度仲有得揀花茶。我飲呢個香而帶甜，其他花茶仲有桂花烏龍同白桃烏龍，好值得試下。
乾煸四季豆 - 呢個餸明明放係menu小食項目，竟然有咁大碟。啲四季豆好爽口，並帶微辣，好惹味。
冰鎮咕嚕肉 - 賣相有驚喜，成個雪山咁。個咕嚕肉外脆內嫩，無嗰種好厚嘅粉漿。放係啲冰內面，仲以為會凍冰冰，但竟然係微暖，好好食。另一個驚喜就係伴碟嘅菠蘿竟然岀奇地新鮮香甜多汁。
蜂蜜芥末蝦球 - 整得好精緻，仲有六舊咁多。炸到鬆脆嘅蝦球配上鬆化嘅米通，口感一流。帶有蜜糖同芥末味，夾到爆，一定要試！
水煮鱸魚片 - 賣相睇落似好辣，點知辣度啱啱好，勁惹味。鱸魚片肉質嫩滑而且份量多，底部仲有彈牙入味嘅寬粉添。
脆米海皇泡飯 - 清甜嘅海鮮泡飯，有好多好多嘅蝦肉。仲份到6-7碗。仲有一碗脆米倒上去，增添口感。食完都夠飽肚唔洗叫白飯。
最後仲送上木瓜雪耳糖水，勁滋潤～
Post
