Wooderful

呢間開喺屯門虹橋嘅餐廳算係我嘅飯堂之一，個 menu 都差唔多食過了！佢由開業到而家，個個星期六日晏晝都排長龍，係最近元朗開咗分店，夜晚先唔洗點排隊！雖然以台灣菜嚟講其實有啲高，不過真材實料，水準都好穩定，小食份量仲好大份𠻹！次次同屋企人/朋友嚟食都食唔晒，要打包拎走呢！

每枱都會有碟合桃做前碟，合桃唔會太甜，但好脆，啱晒相機食先嘅我用嚟醫肚！

黯然銷魂飯多數都你叉燒加太陽蛋，但佢就轉咗做安格斯牛，整到好腍，好似食緊牛腩咁。

$84

拌麵嘅牛唔多，滷肉拌落麵反而更吸引，雖然醬汁唔多，不過都惹味！

$78

牛肉麵湯底好濃郁，除咗牛肉，仲有滷味同豆卜，好豐富！

$96

炒飯真係好大碟，鰻魚雖然唔係原條上，但都炒咗好多入飯，上面有勁多櫻花櫻，一樣好惹味！

$88

呢個係我最鍾意嘅主食，禁堂食嗰排都會嗌外賣返去食！湯淡淡嘅海鮮味，加上廣島蠔好肥美，仲有幾粒彈牙嘅帶子，好開胃！

$92

主食份量唔算大，但小食嘅份量就一啲都唔輸蝕，特別係戰斧鹽酥雞扒，有成塊面咁大，真係好誇張！

呢塊雞扒真係好夠照！又厚肉又脆，大到要幾個人分嚟食先得！

$82

滷水拼盤喺台式嘅，比起平時食嘅雞賢、豬耳，佢更加似喺夜市自己夾嗰種，味唔太濃，但有好多選擇同好多唔同口感嘅感覺。

$86

澎湖花枝丸 $38 蔥餡餅睇落麻麻，但食落好有驚喜，皮薄而且會爆肉汁，好似小籠包咁！花枝丸外脆內軟，諗起喺淡水老街食嘅味道呢！

$36

鹽酥雞一枝炸得好脆，一口一粒，好易食！雖然味道好似少咗啲好濃嘅味粉咁，不過佢配嘅柚子醋令佢無咁油膩，無咁熱氣。

$42

玫瑰可可嘅朱古力味都幾濃，食咗咁多炸嘢，飲返杯係唔錯嘅！

$32

每朝經過都見到一箱箱喺出面，所以好肯定餐廳係用台灣鳳梨嘅！

$34

而我最鍾意食嘅係黃金軟殼蟹，可惜轉咗餐牌之後就無咗lo～

雖然餐廳門面招牌好大好醒目，不過喺轉彎位，喺唔係區內人都幾難搵。