東記小廚

同兩個朋友行完山,去咗熟食中心搵食,我叫咗個小辣嘅麻辣米線,朋友們就叫咗星州炒米同黑椒汁雞扒意粉,都好快就有得食la,而且仲大大碟,唔使驚唔夠飽呢! 仲有例湯送ga!

店員服務都算唔錯,走嗰陣提醒我地走廊比較滑要小心,我地打算搭電梯走嗰陣,又主動話俾我地知有人維修緊,指示樓梯個方向俾我地知!

有兩塊雞扒,仲有蔬菜跟埋,味道OK

有芫茜,芽菜,蔥,枝竹,韮菜,肉碎等配料,味道唔錯,不過腩片煎過時,有D位又脆又乾,其實腩片係咁煮熟應該會仲好食,如果配料再加埋花生就仲perfect!

米粉太多食唔晒,火腿同叉燒就少咗D,味道偏辣,青椒唔熟