Video
Read full review
2022-09-20
138 views
創興廣場開咗一間非常正宗嘅韓國料理餐廳， 原來係經由韓國廚師主理嘅韓式烤肉和火鍋。 套餐A賣相和食物都非常吸引， 可以食到烤牛肉什錦同埋海鮮火鍋，所以就點嚟試下。先嚟8款韓式前菜: 正宗韓式泡菜，微辣入口爽脆，涼拌豆芽菠菜， 麻油味香，豆芽和菠菜爽甜，炒細鯷魚， 鹹香味濃，入口帶甜，酸甜蘿蔔絲， 酸甜爽脆，炆土豆， 非常淋滑香甜，涼拌蓮藕，爽脆開胃，炒魚糕，辣辣地，送酒一流， 所以我哋嗌咗一支韓國覆盆子酒用嚟佐洒， 入口順滑，酸酸甜甜，好醒胃。主食當然唔少得燒烤牛肉拼盤， 用咗韓式做法醃製嘅醬汁非常之入味， 燒出嚟嘅牛肉唔單止保留到肉質鮮美，而且入口口感非常鮮嫩， 味道偏濃還帶點甜味， 用準備好嘅生菜同埋蒜片包住一齊食， 又可以減低過油膩感之餘，食落更有層次，令到牛肉整體味道更突出， 而且餐廳選用原條牛肋骨， 大細適中，肉質非常嫩滑，完全唔韌， 鍾意食韓式燒烤嘅朋真係可以一試再試。之後當然唔少得海鮮火鍋， 淨係睇賣相已經大滿足， 由韓國廚師主理嘅海鮮配搭真係唔同啲， 佢哋採用既材料非常豐富包括有:大蝦、花蟹、青口、大蜆、特大八爪魚、明太魚、帆立貝、可以話係應有盡有，而且所有海鮮都係非常
先嚟8款韓式前菜: 正宗韓式泡菜，微辣入口爽脆，涼拌豆芽菠菜， 麻油味香，豆芽和菠菜爽甜，炒細鯷魚， 鹹香味濃，入口帶甜，酸甜蘿蔔絲， 酸甜爽脆，炆土豆， 非常淋滑香甜，涼拌蓮藕，爽脆開胃，炒魚糕，辣辣地，送酒一流， 所以我哋嗌咗一支韓國覆盆子酒用嚟佐洒， 入口順滑，酸酸甜甜，好醒胃。
主食當然唔少得燒烤牛肉拼盤， 用咗韓式做法醃製嘅醬汁非常之入味， 燒出嚟嘅牛肉唔單止保留到肉質鮮美，而且入口口感非常鮮嫩， 味道偏濃還帶點甜味， 用準備好嘅生菜同埋蒜片包住一齊食， 又可以減低過油膩感之餘，食落更有層次，令到牛肉整體味道更突出， 而且餐廳選用原條牛肋骨， 大細適中，肉質非常嫩滑，完全唔韌， 鍾意食韓式燒烤嘅朋真係可以一試再試。
之後當然唔少得海鮮火鍋， 淨係睇賣相已經大滿足， 由韓國廚師主理嘅海鮮配搭真係唔同啲， 佢哋採用既材料非常豐富包括有:大蝦、花蟹、青口、大蜆、特大八爪魚、明太魚、帆立貝、可以話係應有盡有，而且所有海鮮都係非常新鮮， 入口好彈牙，啖啖肉，份量十足，配菜方面亦好足料， 韭菜、娃娃菜、 火箭菜、金菇、秀珍菇、翠玉瓜和蕃茄等等， 所以令到淆製出嚟嘅湯底非常之鮮味，亦都可以話係整盤海鮮火鍋嘅精髓， 鍾意滾下滾下嘅嘅火鍋朋友絕不能錯過。
Post
