神燈燒 (Closed)

好耐冇食過任食放題啦！今次去咗神燈燒放縱一下🥰我鍾意佢嘅裝修，牆上面有阿拉丁神燈嘅塗鴉😛今次食咗120分鐘安格斯燒肉水產放題Level 2🤪✨燒肉Level 2嘅安格斯肉眼扒，美國雪花牛小扒，封門柳等，都好好食😍牛肉味香濃，燒幾十秒就可以食啦，亦可以保存肉汁！✨刺身刺身都有唔同種類俾我揀！賣相好靚，d魚生都好新鮮，帶子好鮮甜！✨水產梗係都要食啲水產啦！當中包括芝士燒生蠔、蒜蓉燒生蠔及深海大虎蝦🦐🦐~ ✨自取區自助區都有好多小食同飲品任飲任食，用手機QR code落單都好方便🙈兩個鐘真係食到好飽飽🤓 好滿足呀，可以食咁多唔同類型嘅嘢食，正🥰 神燈果然一次過可以滿足我三個願望😝