燒魂 (Closed)

一直都好想食日式燒肉放題，但又想要有多啲款式揀😄咁啱見到呢間有燒肉之餘，仲要有刺身、壽司、炸物、熱食、麵飯，好似日本放題但多左燒肉，又幾特別餐廳唔算大，但有私隱度高嘅二人卡位，幾舒服，環境好乾淨，我好怕去燒肉店個地下同枱面都油油地，呢度好乾淨，好乾爽食物係用紙仔任點任食，先叫咗五款刺身，每款都好厚好大塊，好鮮甜，之後每款雞牛豬都點下，咁就叫左5碟，啲肉個樣好吸引，好新鮮，豬同牛都好食，最鐘意食一口牛柳粒，牛板腱同豬腩肉，雞肉就普通啲食咗咁多肉，梗係要叫返啲菜啦，其中好特別嘅，係有個黑松露雞髀菇，兩塊雞髀菇夾咗啲黑松露，燒完之後啲黑松露牛油溶晒，好香黑松露味，好好食，另外香草牛油冬菇都好特別，釀咗啲香草牛油喺中間，又係燒完之後啲牛油溶晒，好正，粟米都好甜，最鍾意就係食燒菠蘿，清返啲肉嘅油膩味雖然好飽，但係都好想食炸物，叫咗牛乳松葉蟹薯餅、薯蓉芝士丸同埋南瓜天婦羅，三樣都炸得好乾身，唔會好油，推介南瓜天婦羅同薯蓉芝士丸唯一不足嘅係飲品選擇比較少，如果有一啲清熱嘅涼茶，例如菊花茶、竹蔗茅根、夏枯草嗰啲清下熱就會比較好