蝦蝦燒

Open Now

Now Closed

之前食過覺得唔錯，所以今次再嚟食，不過今次約另一個朋友，好嘢梗係要同多啲人分享架啦😉每位$348任燒2.5小時一去到見到勁多人，地方都幾寬敞，我哋坐嘅位置旁邊有個水缸，可以邊夾蝦邊燒🔥真係勁方便海鮮類除咗有主角🦐之外，仲有多款海鮮，例如有帶子、鮑魚、蜆、扇貝、蠔、魚、螺⋯食海鮮最緊要梗係要夠新鮮，呢度嘅海鮮唔只食得出新鮮，仲睇得見添🤩鮑魚仲識郁架，另外每位都會有一串鱔係送嘅，大大串又厚肉，用嚟燒⋯無得頂👍🏻 👍🏻除咗海鮮仲有熟食、肉類、蔬菜、串燒等等⋯真係種類繁多，不能盡錄🤣就連飲品嘅選擇都一樣係好多，最後食返杯雪糕超滿足