真味鮮廚 (Closed)

😆今晚好開心同朋友去咗一間可以任食任飲的海鮮火鍋，每位加一後大約$300，性價比超高！🦪刺身拼盤拼盤攞碟精美，刺身亦好新鮮。平時比較少喺刺身拼盤見到有鮑魚，所以都有驚喜，而且鮑魚有嚼勁，肉質爽甜，十分欣賞。🥘重慶雞鍋雞鍋大約有半隻雞的份量，雞肉鮮嫩，辣辣地又夠入味，令我哋都想追加多一鍋！龍蝦海鮮盆海鮮盆的亮點一定係呢隻大大隻的龍蝦🦞！龍蝦肉質彈牙，夠新鮮！另外，還有多款海鮮，包括蜆、鱔片、青口、海蝦等，極之豐富。🥩特級安格斯肥牛肥牛油花分佈像雪花般的細緻，肉質香嫩可口，可惜食完冇得再添加，令人很回味。另外，還有多款火鍋任食配料，任飲飲品及甜品。我們四人都食得十分開懷，真的是大滿足！